Bu barədə ABŞ Dövlət Departamentinin hesabatında deyilir.

“Hadisələrin birində amansız davranış zərərçəkənin ölümünə səbəb ola bilərdi. Davamlı döymələr, tibbi yardımdan və digər ehtiyaclardan imtina, şahidlərin təsvir etdiyi və ya videoya çəkilən amansızlıq, alçaltmalar erməni qoşunları tərəfindən Cenevrə konvensiyalarının kobud şəkildə pozulması deməkdir”, - hesabatda deyilir.

Dövlət Departamenti vurğulayır ki, işgəncə qadağalarının pozulması Ermənistan Cinayət Məcəlləsinə görə də ağır cinayətdir.

Həmçinin, hesabatda vurğulanır ki, səkkiz videoçarxda həlak olmuş azərbaycanlı əsgərlərin meyitləri təhqir olunur, onların əmlakları erməni hərbçiləri tərəfindən oğurlanır.

Hesabatda deyilir ki, həlak olanların əmlaklarının oğurlanması ilə bağlı ittihamlar mütləq araşdırılmalıdır. Dövlət Departamenti qeyd edir ki, 2020-ci ilin dekabrında Azərbaycan rəhbərliyi erməni hərbçilərin ikinci Qarabağ müharibəsi dövründə silahlı münaqişələr zamanı beynəlxalq humanitar hüququn kobud şəkildə pozması ittihamı ilə bir sıra cinayət işləri açıb. \\Trend