“Dövlətimiz üçün NATO-ya üzvlük KTMT-dən daha şərəfli və təhlükəsiz olardı. Rusiyanın deyil, Amerika və ya NATO hərbi bazasının ölkəmizdə olması bizim üçün şərəfdir. Və NATO-nun “Artsax”dakı sülhməramlı missiyasına daha çox üstünlük verilir. Çətin ki, səfir Kopirkin niyə bu birləşmələrin bizim üçün daha üstün hesab edildiyini anlamasın. Eyni zamanda, Ermənistan NATO-nun üzvü olsaydı, Azərbaycan-Türkiyə tandemi heç vaxt bizimlə müharibəyə qərar verməzdi. Amma ölkəmizin KTMT-yə üzv olması düşmənin bu planlarına mane olmadı. Putin bütün dünyaya hərbi cinayətkar elan ediləndən sonra indi hansı reputasiyaya sahib ola bilər?! Bəli, SSRİ, Macarıstana, Çexoslovakiyaya, Əfqanıstana qoşun yeritdi. Lakin SSRİ rəhbərləri heç vaxt Putinin vəziyyətinə düşməyiblər. Onlar hərbi cinayətkar elan edilməyiblər. Doğrudur, Kremlin Ermənistana təzyiq göstərmək üçün lazım olan resursları hələ də var. Amma onun isteriyası Kremlin öz real mövqeyini anladığını göstərir. Biz Rusiyanın degenerasiya prosesini, onun tərəqqidən reqressiyaya doğru yön almasını görürük. Və bu fonda səfir Kopırkinin sözləri sadəcə istehza doğurur. Baxmayaraq ki, heç nəyə təəccüblənməməliyik”, – deyə erməni analitik fikirlərini tamamlayıb. \\KONKRET.az