“Paşinyan üçün hazırda qəbul edəcəyi qərarlar arasında Azərbaycan və Ermənistan sərhədində olan problemlərin həll edilməsi, Zəngəzur dəhlizinin açılması kimi işlər ilk növbədə durur”.

Redaktor.az xəbər verir ki, bu sözləri politoloq Zaur Məmmədov açıqlamasında bildirib. O, Nikol Paşinyanın növbədənkənar parlament seçkilərində səs çoxluğu ilə qalib seçilməsi və bundan sonra Azərbaycanın maraqlarında olan görüləcək işlərdən bəhs edib:

“Paşinyan Azərbaycan və Türkiyə ilə münasibətləri yaxşılaşdırmağa çalışacaq. Ermənistanda hakimiyyətdə kim olur olsun, bunu etməlidir, bu məsələ reallaşmalıdır. Əks təqdirdə, bu Rusiyanın etirazına səbəb olacaq. Təsadüfü deyil ki, bu gün Koçaryana mətbuat konfransında altılı formatı ilə bağlı verilən suallara cavab verməkdən boyun qaçırıb. O, bilir ki, Moskvanın kuratorluğu ilə proseslər davam etməkdədir”.

Aysel Hacıyeva / Redaktor.az