2019-cu il Eurovision Mahnı Müsabiqəsində Azərbaycanı Çingiz Mustafayev "Truth" mahnısı ilə təmsil edir.
Müsabiqənin rəsmi saytında yazılır ki, Moskvada doğulmuş Çingiz 6 yaşında ailəsi ilə birgə Qazax şəhərinə köçüb və gitara dərslərini də orada alıb. Çingiz ilk mahnılarını uşaq olarkən yazmağa başlayıb.
Çingiz Mustafayev 2011-ci ildə də Eurovision milli seçim turunda iştirak edib. O, 2013-cü ildə Azərbaycanı Yurmalada keçirilən "Yeni Dalğa", 2016-cı ildə isə Ukraynanın "Qolos Kraini" mahnı müsabiqəsində iştirak edib.
"Truth" (Həqiqət) mahnısının musiqisinin bəstələnməsinə Çingiz də iştirak edib.
Çingiz mahısını 16 mayda bu ilki Eurovision Mahnı Müsabiqəsi ikinci yarımfinalında ifa edəcək.