Gender.Az Ölkə.Az-a istinadla xəbər verir ki, K.Yunis bu barədə sosial şəbəkələrdə yazıb.

“Hərdən arxamca deyirlər ki, kimsəyə dəyər vermirsən. Mən də burdan onların üzünə yazıram: Mən dəyərlilərə dəyər verirəm - Fuad Poladov kimi, Həsənağa Turabov kimi dəyərlilərə - "siz" isə itə də dəyər verirsiniz...Mənim 2 ya 5 dəyərlim sizlərin min dəyərsizindən dəyərlidir.

Ruhun şad olsun Fuad müəllim. Mən Poladov deyiləm, amma polad kimi olmağı sizdən öyrəndim”,-deyə o qeyd edib.

Qeyd edək ki, K.Yunis Azərbaycan Dövlət Akademik Milli Dram Teatrının bədii rəhbəri-baş rejissoru və direktoru Azərpaşa Nemətovun vəfatından sonra yazdığı sözlərlə müzakirələrə səbəb olmuşdu. O, A.Nemətovu nəzərdə tutaraq, “F.Poladovu teatrdan uzaqlaşdıran və ya son zərbə vurana mənim kitabımda sayğı yoxdur” yazmışdı.