Redaktor seçimi
    Xankəndidə ermənilər Azərbaycan vətəndaşlığı tələb edir: Araik-Ruben cütlüyü kütləvi prosesin qarşısında aciz qalıb
Xəbər lenti
Reklam
Naxçıvanda DİN ləğv olunur - Yeni rəis o olacaq

Son günlərdə Naxçıvanda bir sıra islahatlar aparılır. Bunun davamı olaraq Muxtar Respublika ilə bağlı sabah daha bir yeni qərara imza atılacağı gözlənilir.

Gender.Az "Qafqazinfo”ya istinadla bildirir ki, bu, Naxçıvan Muxtar Respublikası Daxili İşlər Nazirliyinin ləğvi ilə bağlıdır.

Artıq bununla bağlı müvafiq tapşırılıqların verildiyi bildirilir. Belə ki, Naxçıvan DİN-in əvəzinə Azərbaycan DİN-in tabeliyində Naxçıvan Baş Polis İdarəsi yaradılacaq.

İdarəyə kimin rəis təyin olunacağına da aydınlıq gəlib. Əldə etdiyimiz məlumata görə, bu postun Suraxanı rayon Polis İdarəsinin rəisi, polis polkovniki Süleyman Nemətova həvalə olunacağı gözlənilir.

Qeyd edək kii, Süleyman Nemətov Suraxanıdan əvvəl Sumqayıtda polis rəisinin müavini, Qubada isə rəis kimi fəaliyyət göstərib.

Xatırladaq ki, son bir ayda Naxçıvanın həm Dövlət Təhlükəsizliyi Xidməti (DTX), həm də Dövlət Gömrük Komitəsi ləğv edilərək müvafiq olaraq Dövlət Təhlükəsizliyi Xidmətinin Naxçıvan Baş İdarəsi və Naxçıvan Baş Gömrük İdarəsi yaradılıb.

Tarix: 27 dekabr 2022
Baxış: 501

Gender.az © Xəbərlərdən istifadə zamanı hiperlinklə istinad olunmalıdır.

Bizi izləyin:
İnstagram: Gender
Facebook: Gender

Telegramda paylaş



{sape_links}{sape_article}